Mahalla_obodligi_yoʻlida
26-Avg, 2026
O‘zbekiston Ekologik partiyasi Xiva shahar Kengashi tashabbusi bilan Xiva shahar Axborot-kutubxona markazi hamkorligida “Yangi turmush” mahallasida obodonlashtirish va tozalik aksiyasi tashkil etildi.
Unda O‘zbekiston Ekologik partiyasi faollari, Xiva shahar Axborot-kutubxona markazi xodimlari, mahalla faollari hamda ko‘ngilli fuqarolar faol ishtirok etib, hududning obodligi va tozaligini ta’minlashga o‘z hissalarini qo‘shdilar.
Aksiya davomida mahalla hududidagi piyodalar yo‘laklari supurib-sidirildi, yo‘l chetlari hamda tomorqalarda o‘sib ketgan begona o‘tlar tozalanib, hudud tartibga keltirildi.
Bunday hamkorlikdagi ezgu tashabbuslar mahalla ko‘rkini yanada oshirish bilan birga, aholida ekologik madaniyatni yuksaltirish, tabiatga mehr va atrof-muhitga mas’uliyatli munosabatni shakllantirishga xizmat qiladi.