“Yaldo kechasi” — kitobxonlar e’tiborida

29-Sen, 2026

“Yaldo kechasi” — kitobxonlar e’tiborida

📚 “Yaldo kechasi” — kitobxonlar e’tiborida

Bugun Xiva shahar Axborot-kutubxona markazida Kitobxon klubi a’zolari hamda faol kitobxonlar ishtirokida “Tanishing, yangi kitoblar!” mavzusida  taniqli yozuvchi Hayriddin Sultonovning “Yaldo kechasi” kitobi taqdimoti o‘tkazildi.

Tadbirda yozuvchining ijodiy faoliyati, asarlari hamda “Yaldo kechasi” kitobining mazmun-mohiyati haqida ma’lumotlar berildi. Kitobxonlar asarda aks etgan voqealar, insoniy kechinmalar, milliy qadriyatlar va hayotiy haqiqatlarning badiiy ifodasi yuzasidan fikr-mulohazalarini bildirdilar.

Taqdimot davomida ishtirokchilar o‘zlarini qiziqtirgan savollar bilan faol qatnashib, asardan olgan taassurotlari bilan ham o‘rtoqlashdilar.

Mazkur tadbir kitobxonlarning yangi adabiyotlar bilan yaqindan tanishishi, mutolaa doirasini kengaytirishi hamda kitob o‘qishga bo‘lgan qiziqishini yanada oshirishga xizmat qiladi.

Orqaga